2017 йилда Ўзбекистонда аҳолиси 533,4 минг кишига кўпайиб, 2018 йил 1 январь ҳолатига кўра мамлакатнинг умумий аҳолиси 32 миллион 653 минг кишига етди.
Давлат статистика қўмитаси маълумотларига кўра, ўтган йили мамлакатда жами 715,5 минг бола дунёга келди. Улардан 343,4 минг нафари ёки 48 фоизи қиз болалар, 372,1 минг нафари ёки 52 фоизи ўғил болалардир.
Шунингдек, 2017 йилда 161,5 мингта ўлим қайд этилди. Вафот этганларнинг 73,5 минг нафари ёки 45,5 фоизи аёллар, 88 минг нафари ёки 54,5 фоизи эркаклардир.
Изоҳ (0)