Россияда ис газидан заҳарланиш оқибатида ҳалок бўлган Ўзбекистон Республикаси фуқароларининг жасадлари Ўзбекистонга олиб келинди. Бу ҳақда ФВВ матбуот хизмати хабар берди.
Аввлароқ, 2018 йилнинг 11 январь куни Россиянинг Рязань вилоятидаги уйда 5 нафар Ўзбекистон фуқароси ис газидан заҳарлангани, уларнинг 4 нафари вафот этган ва бир нафари оғир аҳволда Ряжск районининг марказий касалхонасига ётқизилгани ҳақида хабар берилганди.
Ўзбекистон Республикаси Фавқулодда вазиятлар вазирлиги Ўзбекистоннинг Россия Федерациясидаги элчихонаси билан ҳамкорликда ҳалок бўлганларнинг жасадлари «Ўзбекистон ҳаво йўллари» МАК томонидан Ўзбекистонга олиб келинди.
Вафот этганларнинг жасадлари 3 босқичда: 13 январдан 15 январгача «Москва — Андижон», «Москва — Термиз» ва «Москва — Бухоро» рейслари бўйича амалга оширилди.
ФВВ, ИИВ, прократура, Тез тиббий ёрдам ва маҳаллий ҳокимият куч ва воситалари билан ҳамкорликда вафот этган фуқароларнинг жасадлари доимий яшаш жойларига олиб борилиб (Андижон вилоятининг Жалақудуқ ва Қўрғонтепа туманларига, Сурхондарё вилоятининг Денов туманига, Навоий вилоятининг Навбаҳор туманига) дафн этилди.
Жойлардаги маҳаллий давлат оргалари томонидан дафн этиш маросимини ўтказишда ёрдам кўрсатилди.
Ўзбекистон Республикасининг Россиядаги элчихонаси ис газидан жабрланиб, Ряжск шаҳри марказий шифохонасида ётган бир нафар Ўзбекистон фуқаросига тиббий ва психологик ёрдам кўрсатилишини ўз назоратига олган.
Изоҳ (0)