Туркия АҚШнинг Сурияда «чегара хавфсизлиги кучлари»ни яратиш бўйича режаларини қоралайди ва ўзининг миллий хавфсизлигига ҳар қандай таҳдидларга барҳам беришга қатъий бел боғлаган, деб ёзади «Газета.ru» Туркия ташқи ишлар вазирлиги баёнотига таяниб.
АҚШнинг Суриядаги янги ташаббуси ҳақидаги хабарлар Туркия президенти Ражаб Тоййиб Эрдўғон томонидан Туркия армияси яқин ҳафта ичида YPG — АҚШга иттифоқдош бўлган Сурия курдлари қуролли гуруҳлари назорати остидаги Манбиж ва Африн ҳудудларида операция бошлаши мумкинлиги эълон қилинган бир пайтда пайдо бўлди.
«АҚШнинг YPG билан ҳамкорликни давом эттириши унинг ўз мажбуриятларига зид бўлиш билан биргаликда, бизнинг миллий хавфсизлигимизни ва Суриянинг ҳудудий яхлитлигини хавф остига қўяди», — дейилади Туркия ТИВ баёнотида.
Ҳужжатда, шунингдек, коалиция янги гуруҳ тузиш борасида Туркия билан маслаҳатлашмагани қайд этилади.
Изоҳ (0)