АҚШ қуролли кучлари КХДРга қарши жанговар ҳаракатлар бошланиши эҳтимоли юзасидан ўз шахсий таркибининг тайёргарлигини кучайтирди ва машқлар интенсивлигини оширди, деб ёзади «ТАСС».
The New York Times хабарига кўра, сўнгги ойларда АҚШ ҳарбий базаларида бир йўла бир нечта ҳарбий ўқув машғулотлари бўлиб ўтган, уларни газета қуролли кучларнинг Корея ярим ороли атрофидаги кескинликнинг ўсишига нисбатан реакцияси билан боғламоқда.
Газета қайд этишича, АҚШ ҳарбий қўмондонлари учун эҳтимолий ҳарбий низо юзасидан жанговар сценарийлар тузиш ва машқ қилиш оддий ҳол ҳисобланади. Аммо охирги машқлар ва машғулотлар, уларнинг кўлами ва интенсивлиги АҚШ қуролли кучлари ҳақиқатан ҳам Корея ярим оролидаги вазият тус олиши мумкин бўлган турли ҳолатларга, шу жумладан, ҳарбий вариантга тайёр туришни исташидан дарак беради.
Нашрга Пентагоннинг собиқ ва амалдаги мансабдорларидан бир неча ўн нафари маълум қилишича, муассаса раҳбари Жеймс Мэттис «Корея ярим оролидаги ҳар қандай эҳтимолий ҳарбий ҳаракатларга шай бўлиш» зарурлигини айтган.
Изоҳ (0)