Фарғона футболи билан яқиндан танишган ЎФФ президенти Умид Аҳмаджонов водий футбол федерациялари раҳбарлари ҳамда ОАВ иштирокида йиғилиш ўтказди. Унга Наманган ва Андижон футболи раҳбарияти ҳам жалб этилган.
Мажлис давомида Аҳмаджонов бир қатор кескин фикрлар билдирган ва футбол ривожини ортга тортаётган кишилар бўлса, улардан тинчгина ишдан кетишни сўраган.
Бундан буён футбол ривожига тўсиқ бўладиган кишиларга орамизда жой йўқ. Ҳаммамиз футбол ортидан нон еяпмизми, нонимизни ҳалоллаб ейлик. Мазза қилиб ишла, футболни кўтар, агар фақат ўзинги ўйлаётган бўлсанг, ўзимиз четлаштирмасимиздан кетавер. Озгина инсофинг қолган бўлса, шундай қилишинг ҳам керак.Ким жонини бериб ишлаётган бўлса, шундоқ кўриниб туради ва биз улар биланмиз. Ким ўз манфаатини халқникидан устун қўйиб, унинг мулкига хиёнат қилаётган бўлса, футболда тиқилиб юрмасин!
Умид Аҳмаджонов, ЎФФ президенти
Умид Аҳмаджонов: Самвел Бабаян халқни алдаб юрган. Унинг асосий мақсади футболчиларни четга сотиш эди
Йиғилишда иштирок этган Андижон ва Наманган футбол федерациялари раҳбарияти Умид Аҳмаджоновнинг кескин танқиди билан юзлашган.Андижондан нега кимдир вилоят футболини кўтариш таклифи билан келмайди? Ё Андижонда футбол шунчалик зўрми?! ЎФФ тепасига келганимизга 3 ой бўлди. Ўзимиз келмагунимизча на Андижондан ва на Намангандан кимнидир кўрдик. Сизлар ишлаяпсизларми ёки ухлаяпсизларми?Ҳамма эътибор фақат «Навбаҳор»га бўлиб, қолгани эътиборсиз қолиши керак эмас. Вилоят ҳокимини шунчаки айблаб ўтиришдан бир иш чиқадими? Унинг иши кўп, юмуши, муаммолари кўп. Мураббийлар, ҳакамлар, маблағ масаласида ўзинг бориб талаб қилмайсанми? Жуда бўлмаса ЎФФга келиб таклифларинг ва муаммоларинг ҳақида айтмайсанми ўтиравермасдан. Ҳар ким ўз ҳақини талаб қилиб олиши керак.
Умид Аҳмаджонов, ЎФФ президенти
Федерация раҳбари Андижон футболи раҳбарларидан бирига ишдан бўшашни таклиф қилган. Унинг фикрича, футболни қўл қовуштириб ўтирадиганлар билан жойидан силжитиб бўлмайди.
Изоҳ (0)