Американинг Ford Моtor Co. автоконцерни 2022 йилгача электромобиллатга киритадиган инвестиция миқдорини сезиларли даражада оширади. Бу ҳақда Ford директорлар кенгаши раиси Билл Форднинг сўзларига асосланиб, «Корреспондент.net» хабар бермоқда.
Қайд этилишича, мазкур муддатга келиб компания 40 та гибрид ва тўлақонли равишда электрлашган автомобилларни ишлаб чиқаришни режалаштирмоқда. Улардан 16 таси мутлақ электрлашган бўлади.
«Инвестиция ҳажми аввал эълон қилинган суммадан 4,5 миллиард долларга кўпроқ», — дейди Ford вакиллари.
Маълумотларга кўра, 2016 йилда компания янги маҳсулот ва хизматларни тадқиқ қилишга 7,3 миллиард доллар сарфлаган. Ундан аввалги икки йил мобайнида компания мазкур мақсадлар учун 6,7 миллиард доллар маблағ ишлатган.
Ford автоконцернига 1903 йилда асос солинган.
Изоҳ (0)