Қозоғистон давлат раҳбарининг Халққа мурожаат бўйича баёноти

Қозоғистон Республикаси президенти Нурсултон Назарбоевнинг расмий сайти давлат раҳбарининг Қозоғистон халқига мурожаатини чоп этди.

Ҳурматли қозоғистонликлар!

Бугун инсоният янги саноат инқилоби даврига қадам қўймоқда. Замонавий технологиялар дунёни ўзгартирмоқда. Глобал технологик ўзгаришлар даъватлар билан бирга юксалишнинг янги имкониятларини илгари сурмоқда.

Бу дунёнинг энг ривожланган 30 та мамлакати қаторига киришимизни тезлаштирувчи тарихий имкониятимиздир. Эртага Қозоғистон халқига мурожаатим чоп этилади. У мамлакатни Тўртинчи саноат инқилоби шарт-шароитларида ривожлантиришга бағишланган.

Амалга оширишимиз лозим бўлган 10 та асосий вазифани кўряпман. Уларнинг қисқача мазмунини келтириб ўтаман.

Биринчи вазифа. Қозоғистон саноати янги технологияларни жорий этиш флагманига айланиши лозим.

Саноатимиз ишлаб чиқариш жараёнларини рақамлаштириш ва замонавий бизнес-моделларни ўзлаштириш орқали меҳнат унумдорлигини ошириши лозим.

Иккинчи. Ресурс имкониятларидан фойдаланишнинг самарадорлигини сезиларли даражада яхшилаш лозим.

Ахборот-технологик ечимларни жорий этиш керак.

Бешинчи. Қурилиш ва коммунал турар-жойларда замонавий технологияларни қўллаш.

Олтинчи. Молиявий секторни «қайта ишга тушириш».

Банк тизимини соғломлаштириш чора-тадбирлари назоратни кучайтириш ва оддий фуқаролар манфаатларини ҳисобга олиш билан бирга кечиши лозим.

Еттинчи. Инсон капиталининг янги сифати.

Таълим тизимининг барча босқичлари замонавий жараёнлар ва иқтисодиёт талабларига жавоб бериши лозим. Ўқитувчи касби нуфузини ошириш зарур.

Саккизинчи. Самарали давлат бошқаруви.

Тўққизинчи. Қонун устуворлиги ва коррупцияга қарши курашиш давлат сиёсатининг устувор йўналишларидан бўлиб қолади.

Ўнинчи. Smart City технологиясини жорий этиш ўсиб келаётган шаҳарлар муаммоларини самарали ҳал этиш ва уларнинг инвесторлар учун жозибадорлигини ошириш имконини беради.