Хитой Марказий банки ва Молиявий рискларни ўрганиш бўйича идоралараро гуруҳ мамлакат ҳудудидаги майнерлар фаолиятини чеклашни режалаштирмоқда, деб ёзади Meduza.
Хитой майнерлари электр энергияси арзон турадиган ва салқин иқлимли туманларда криптовалюта фермаларини ташкил қилмоқда. Ҳукумат уларга электр энергияси узатилишини чеклаб, майнерларни ўз фаолиятини тугатишга мажбур қилмоқчи.
Ушбу қарор Хитой ҳукумати 2017 йилнинг сентябрида амалга оширишни бошлаган, майнерларга нисбатан «танобини тортиб қўйиш» сиёсатини давом эттиради.
Бундай сиёсат жаҳон криптовалюта бозорига жиддий зарба бериши мумкин: биткоинлар яратиш бўйича корхоналарнинг 80 фоизи Хитойда жойлашган. Кўплаб майнерлар ўз ускуналарини бошқа мамлакатларга олиб ўтишга шошилмоқда.
Экспертлар сўзларига кўра, Хитой майнинг бозорининг ёпилиши криптовалютага жиддий зарар етказиши ва тизимни узоқ вақтга беқарорлаштириб қўйиши мумкин.
Изоҳ (0)