Вашингтон Суриянинг мухолифат кучлари томонидан назорат қилинадиган қисмини дипломатик тан олишга рои бўлмоқчи эмас. Бу ҳақда АҚШ давлат котиби ўринбосари Стивен Голдстин маълум қилди, деб ёзади «ТАСС».
Аввалроқ Яқин Шарқ ОАВларида АҚШ Фрот дарёсидан шарқда жойлашган, тахминан 24 минг квадрат километр майдонли ҳудудни дипломатик тан олишни режалаштираётгани ҳақида ёзган эди. Республиканинг ушбу қисми америкаликлар фаол ҳамкорлик қиладиган мухолифатчи «Демократик Сурия кучлари» отрядлари назорати остидадир.
«Бизнинг позициямиз шундан иборатки, биз Суриянинг ҳудудий яхлитлигини, шунингдек, аҳолининг барча гуруҳлари ҳуқуқлари ҳимояланган ягона демократик Сурияни қўллаб-қувватлаймиз», — деди Голдстин.
Унинг сўзларига кўра, Вашингтон, шунингдек, араб мамлакати келажагини унинг фуқаролари белгилаб бериши тарафдоридир.
Изоҳ (0)