АҚШ президенти Дональд Трамп маъмурияти ядро қуролидан фойдаланиш соҳасидаги мавжуд чекловларни сусайтириш ва янги ядровий жанговар каллак яратишни режалаштирмоқда, деб ёзади «Газета.ru» АҚШ миллий хавфсизлик кенгаши собиқ катта директори Жон Вулфсталга таяниб.
Унинг айтишича, Пентагон янги ядровий доктринани тайёрлаб қўйган. Унда гап, хусусан, кам қувватли янги ядровий жанговар каллак ҳақида боради, у сув ости кемаларидан учириладиган Trident ракеталарида қўлланилади.
Вулфсталнинг сўзларига кўра, бундай жанговар каллакнинг яратилиши Россияни Шарқий Европадаги низода тактик жанговар каллакларни қўллашдан тийиб туришга қаратилган.
Таъкидланишича, янги доктринада ядро зарбаси берилиши мумкин бўлган потенциал шароитлар рўйхати кенгайтирилган.
Изоҳ (0)