Россия Марказий сайлов комиссияси 2 январь куни ўзининг қарорини бекор қилиш учун Олий судга даъво аризаси бермоқчилигини маълум қилди. Даъво «Возрождение» жамоат ҳаракати етакчиси Александр Чухлебовни президентликка номзод сифатида рўйхатга олиш ҳақидаги 28 декабрда қабул қилинган қарорга тааллуқли. Бу ҳақда TJournal хабар берди.
Маълум бўлишича, Чухлебов номзод сифатида рўйхатга олинганидан сўнг Россия ТИВ томонидан унинг Финляндияда яшаш ҳуқуқи борлиги ҳақида маълумот берилган. Россия қонунчилигига кўра, хорижий фуқароликни ёки яшаш ҳуқуқини олиш номзодни пассив сайлов ҳуқуқидан маҳрум қилади.
Чухлебов ўзининг Финляндияда яшаш ҳуқуқи бўлганини тасдиқлаган, бироқ, унинг айтишича, бу ҳуқуқ бекор қилинган ва унинг бу ҳақда нотариал тасдиқланган ҳужжати бор. Марказий сайлов комиссияси раиси Элла Памфилова комиссия вазиятни ҳал қилиш учун ўзини-ўзи Олий судга беришини маълум қилган.
Изоҳ (0)