АҚШнинг Жанубий Каролина штатида дастурда юз берган носозлик сабабли лотереяни сотиб олган ҳар бир киши 500 доллардан ютуқни қўлга киритди. Қарийб икки соат давомида компьютер иштирокчиларга фақат ютуқли чипталарни берган. Бу ҳақда TJournal хабар берди.
Хатолик лаҳзалик Рождество лотереяси ишида, чиптада камида бешта белги мос келиши керак бўлган вақтда юзага келган. Компьютер иштирокчиларга фақат ютуқли чипталарни берган, шунинг учун савдо нуқталарида қисқа вақт ичида навбат юзага келган.
Икки нафар америкалик аёлнинг айтишича, улар қарийб 18 минг доллар ютиб олган. Бироқ улар пулларни нақдлаштирмоқчи бўлганда техник носозлик пайқаб қолинган ва уларга пул тўлашдан бош тортилган. Улар биргаликда чипталар учун 200 доллар сарфлаган.
Ташкилотчилар муаммодан хабар топгач, чипталар савдосини ёпган ва ютуқли чипталар сонини ошкор қилмаган. Умумий ҳисобда компания иштирокчиларга 19,6 миллион доллар тўлаши керак бўлади. Компания январь ойининг охирида янги лотереяни ишга туширишини ва ғолибларнинг пулларини ўшанда беришни ваъда қилган.
Изоҳ (0)