2017 йилда гаджетлар ва технологиялар оламида кўплаб оламшумул ҳодисалар юз берди. «Hi-tech Mail.ru» йил якунида ана шу йирик ҳодисаларга эътибор қаратди.
Биткоин
Қисқа вақт ичида нархи икки баробар кўтарилган криптовалютанинг бир бирлиги 20 минг долларга чиқиб, ўзи аслида мавжуд бўлмаган «танга»нинг рекорд қиймати қайд этилди.
SpaceX
Илон Маск ва унинг космик компанияси одамларни ҳайратга солишда давом этмоқда. 2017 йилнинг март ойида компания Falcon 9 ракетаси биринчи босқичининг такрорий стартини муваффақиятли амалга оширди. Илон Маск 2018 йилда ўта оғир Falcon Heavy’ни учиришни режалаштирмоқда.
Qualcomm Snapdragon 835 мобил процессори
Qualcomm Snapdragon 835 процессори Samsung Galaxy S8 и Note 8, Sony Xperia XZ Premium, OnePlus 5Т, Xiaomi Mi6 ва Mix 2, Google Pixel 2 ва Pixel XL, HTC U11, LG V30 ва бошқа смартфонларда муваффақиятли фойдаланилди. 2017 йилда тақдим этилган аксарият смартфонлар мазкур процессорга эга.
Nintendo Switch
2017 йилнинг энг оммабоп ўйин қурилмаси Nintendo Switch бўлди. Япониянинг ўзида тақдимотдан сўнг уч кун ичида 330 мингта қурлма сотилган. Шундан сўнг Европа, Осиё ва АҚШ эстафетага қўшилди. 2017 йилдаги сотилган қурилмалар сони миллионлар билан ҳисобланмоқда. Қурилмани олиб юриш имконияти ва уни телевизорга уловчи станциянинг мавжудлиги муваффақият гарови сифатида таъкидланмоқда.
Ryzen чипи
Сўнгги йилларда Intel «процессорлар беллашуви»да AMD’ни мағлуб этган эди. Бироқ AMD 2017 йилда Ryzen чипларини тақдим этди. Кўп ядроли ва кўп оқимли чиплар шу даражада муваффақиятга эришдики, Intel бир-икки йилдан сўнг тақдим этишни режалаштирган олти ядроли чипини 2017 йилда бозорга чиқаришга мажбур бўлди.AMD’нинг акциялари эса етти марта қимматлашди.
Изоҳ (0)