Пекин метросининг тўлиқ автоматлаштирилган, машинистсиз поездлар ҳаракатланадиган биринчи йўналиши 30 декабрь, шанба куни расман фойдаланишга топширилди. Бу ҳақда «РИА Новости» хабар бермоқда.
Умумий узунлиги 14,4 километр бўлган «Янфан» тармоғи Пекин яқинидаги Яншан шаҳрини пойтахтнинг Фаншан тумани билан боғлайди. Бу ерда йўловчилар шаҳар марказига элтадиган йўналишга ўтиши мумкин. Янги тармоқ жами 9 та бекатдан иборат.
https://twitter.com/waltzwithmiho/status/946929263369863169
Поездлар соатига 80 километр тезликка чиқиши мумкин. Уларда фавқулодда ҳолатлар юзага келишини инобатга олиб, ҳозирча машинистлар бўлиши кўзда тутилган.
Тўлиқ автоматлаштирилган поездлар Хитой учун янгилик эмас. Бироқ янги тармоққа қўйилган поездларнинг бари Хитойнинг ўзида ишлаб чиқарилгани билан эътиборга молик.
Изоҳ (0)