Россиянинг Обнинск шаҳрида йўл ҳаракати хавфсизлиги инспекцияси ходимлари томонидан қалбаки паспортли ҳайдовчи қўлга олинди, деб ёзади KNews. Ҳайдовчилик гувоҳномаси ўрнига, у 1987 йилда туғилган Қирғизистон фуқароси номидаги паспортни тақдим этди.
Ходимлар ҳужжатни кўздан кечириб, қалбакилик белгиларини аниқлади. Фуқарони навбатчи қисмга етказишди, у ерда унинг ҳақиқий шахсий аниқланди. Аслида у Қирғизистонда эмас, Ўзбекистонда ва 1987 йилда эмас, 1982 йилда туғилган экан. Муқаддам ўғрилик учун судланган.
Эркакнинг сўзларига кўра, унинг ҳақиқий паспорти март ойида ёниб кетган ва Москвада 7 минг рублга нотаниш кимса унга янги паспорт ясаб берган. Фуқарога нисбатан ҳужжатлар, давлат мукофотлари, штамплар, муҳрлар, бланкларни қалбакилаштириш, тайёрлаш ва сотиш ҳақидаги модда бўйича жиноят иши қўзғатилди.
Изоҳ (0)