Бир неча ўн йиллардан буён АҚШнинг айрим штатларидаги балиқчилик ва ёввойи табиатни бошқариш бўлимлари қуриган Рождество қарағайларини йиғиб, уларни кўлга ташлайди. Бу орқали экологлар инсон фаолияти таъсирида бузилган кўл рельефини қайта тиклайди — қуриган дарахтлар майда балиқларни йирикларидан беркинишига ва сув ўтларининг ўсишига хизмат қилади, деб хабар берди Meduza.
«Кўл остини ўсимликларсиз тасаввур қилинг-а, улар яланғоч бўлиб қолади, ғоёки икки ўлчамлидек. Дарахтларни кўлга жойлаштириб, балиқлар учун уч ўлчамли макон яратасиз. Аслида эса сиз бутун бошли экотизимни ҳосил қиласиз», — деди Калифорниядаги боғлар ва қўриқхоналарнинг балиқчилик соҳасига бўйича масъул ходими Жозеф Салливан.
Департамент ходимларнинг аниқлик киритишича, қарағайлар сувга 25 килограммлик юклар билан бирга ташланади. Одатда юк сифатида биологик парчаланувчи қопга жойлаштирилган қумдан фойдаланилади.
Салливаннинг сўзларига кўра, 1990 йилдан буён унинг департаменти ҳар йили шу усулда дарахтларни қайта ишлаган ва 2014 йилга келиб кўлнинг релефини қайта тиклашга муваффақ бўлган.
Изоҳ (0)