27 декабрь куни пойтахтдаги «Наврўз» ресторанида маданият ва санъат соҳаси вакиллари учун байрам ташкил этилди. Унда таниқли шоир, ёзувчи, актёр ва режиссёрлар иштирок этди.
Тадбирда маданият ва санъат соҳаси вакилларига Президент совғаси — маиший техника жиҳозлари топширилди. Бир қатор актёр ва режиссёрларнинг Instagram саҳифаларига Президент совғасининг сурати жойлаштирилди.
https://www.instagram.com/p/BdPhow2jTJ2/?taken-by=shaxzoda__muxammedova
Аввалроқ, 25 декабрь куни Ўзбекистон Президенти Шавкат Мирзиёев раислигида маданият ва санъат соҳасидаги долзарб масалалар муҳокамасига бағишланган йиғилиш бўлиб ўтгани ҳақида хабар берилган эди.
Мажлисда маданият ва санъат соҳаларида сидқидилдан хизмат қилаётган ижодий ва техник ходимларни моддий ва маънавий қўллаб-қувватлаш, жумладан, уларнинг уй-жой, ижтимоий ва тиббий шароитларини яхшилаш, гонорарлар миқдорини ошириш, ёш истеъдод эгаларининг салоҳиятини юзага чиқариш бўйича олиб борилаётган ишларни изчил давом эттириш ғоят муҳим вазифалардан бири экани алоҳида қайд этилган.
Изоҳ (0)