17 декабрь куни Кувайтнинг Ал-Кувайт шаҳрида Ўзбекистон маданияти кунларининг очилиш маросими бўлиб ўтди. Бу ҳақда Маданият вазирлиги матбуот хизмати хабар бермоқда.
Маданият кунлари Ўзбекистонни мадҳ этувчи фотокўргазмалар намойиши билан бошланди.
Кувайтда Ўзбекистон маданияти кунлари расмий очилиш маросими давлат мадҳиялари ва Қуръони Каримдаги оят билан бошланди. Махсус дастурга мувофиқ, тадбирни Ўзбекистон Республикаси Маданият вазирининг биринчи ўринбосари Озодбек Назарбеков очиб берди.
Тадбирда Кувайт маданият, санъат ва адабиёт миллий кенгаши бош котиби Али Ҳусайн ал-Юха ва унинг вакиллари, шунингдек, Кувайт давлатидаги Ўзбекистоннинг фавқулодда ва мухтор элчиси Баҳром Аълоев ҳамда элчихона ходимлари қатнашди.
Маросимда томонлар ўзаро эсдалик совғаларини бир-бирларига тақдим этди.
Тадбирда ўн бешдан ортиқ давлатнинг элчилари, кувайтликлар ва мамлакатдаги ўзбек диаспораси вакиллари иштирок этди.
Изоҳ (0)