23—24 декабрь кунлари Алишер Навоий номидаги опера ва балет давлат академик катта театри саҳнасида Москва вилоят ёш томошабинлар театри «Беш оқшом» («Пять вечеров») драмасини тақдим этади, деб ёзади Uzbekistan Today.
Театр бадиий раҳбари ва бош рол ижрочиси Нонна Гришаева нашрга берган интервьюсида Тошкентга биринчи марта сафар қилиши туфайли, ҳам инсон, ҳам актриса сифатида жуда ҳаяжонланаётганини айтди. «Бундай ажойиб маданият, тарихга эга шаҳарни кўриш жуда қизиқ. Артистлар бу гастролларни катта ҳаяжон билан кутмоқда», — деди у.
Ўзбекистонлик томошабинлардан «биз фақат битта нарсани — спектаклни тушунишларини кутяпмиз, чунки песа — жуда маиший, спектакл ва постановканинг ўзи — жуда рамзий. Умид қиламанки, биз томошабинга муаллиф томонидан берилган, режиссёр томонидан ривожлантирилган ғояни ушбу постановкада ўзбекистонликлар қалбларига етказамиз», — деди актриса.
Изоҳ (0)