Галкинни «Лучше всех!» болалар шоусидаги порахўрлик ва дискриминацияда айблашди

Максим Галкиннинг Instagram’даги обуначилари «Лучше всех!» («Ҳаммадан яхши!») кўрсатувини суратга олиш жараёни акс этган фотосуратларни изоҳлар экан, шоу ташкилотчиларини дискриминация ва порахўрликда айблади.

Телебошловчи иштирокчи болалар билан олинган фотосуратлар кетма-кетлигини жойлади.

https://www.instagram.com/p/BdGCAPdAhGA/

Шоу мухлислари изоҳларда болаларга тенг қийматли бўлмаган совғалар берилишини қайд этди.

«Макс, нима учун болаларга медаль билан бирга ширинликлар ва ўйинчоқларга тўла рюкзаклар берилади? Кўрсатувдаги порахўрликни йўқот… Нима учун бир хил болаларга совға берилади, бошқаларига эса берилмайди? Ахир бу бола учун катта травма-ку. Психологларингиз қаёққа қараяпти?» — деб ёзди мухлислардан бири.

Яна кимдир кўрсатувда «пули тўлаб қўйилган» болалар чиқишини тахмин қилди. «Биринчи сонлари жуда кучли эди: даҳо болалар ёки чемпион болалар чиқарди! Энди эса дастурни чўзиш учун ҳаммани қаторасига олшяпти. Иштирок этиш эса бепул деб ўйламайман — совғалар ҳам шундан!» — дея жаҳл билан изоҳ ёзди у.