27-dekabr kuni poytaxtdagi “Navro‘z” restoranida madaniyat va san’at sohasi vakillari uchun bayram tashkil etildi. Unda taniqli shoir, yozuvchi, aktyor va rejissorlar ishtirok etdi.
Tadbirda madaniyat va san’at sohasi vakillariga Prezident sovg‘asi — maishiy texnika jihozlari topshirildi. Bir qator aktyor va rejissorlarning Instagram sahifalariga Prezident sovg‘asining surati joylashtirildi.
https://www.instagram.com/p/BdPhow2jTJ2/?taken-by=shaxzoda__muxammedova
Avvalroq, 25-dekabr kuni O‘zbekiston Prezidenti Shavkat Mirziyoyev raisligida madaniyat va san’at sohasidagi dolzarb masalalar muhokamasiga bag‘ishlangan yig‘ilish bo‘lib o‘tgani haqida xabar berilgan edi.
Majlisda madaniyat va san’at sohalarida sidqidildan xizmat qilayotgan ijodiy va texnik xodimlarni moddiy va ma’naviy qo‘llab-quvvatlash, jumladan, ularning uy-joy, ijtimoiy va tibbiy sharoitlarini yaxshilash, gonorarlar miqdorini oshirish, yosh iste’dod egalarining salohiyatini yuzaga chiqarish bo‘yicha olib borilayotgan ishlarni izchil davom ettirish g‘oyat muhim vazifalardan biri ekani alohida qayd etilgan.
Izoh (0)