Сурияда «Жабҳат ан-Нусра» жангариларининг йўқ қилиниши 2018 йилда якунланади. Бу ҳақда Россия қуролли кучлари бош штаби бошлиғи Валерий Герасимов маълум қилди, дея хабар беради «ТАСС».
«Айрим жанговар тузилмалар жанговар ҳаракатлар тўхтатилишини қўллаб-қувватлайди. ‘Жабҳат ан-Нусра’ бунга буткул қарши. Демак, уларни йўқ қилишга тўғри келади. Бу гуруҳнинг энг кўп одами Идлиб вилоятида. Маълум вақтдан сўнг уларга узил-кесил барҳам берилади», — деди генерал.
Бош штаб бошлиғи Россия Сурияда икки ҳарбий база — Латакиядаги Хмеймим авиабазаси ва Тартусда ҳарбий-денгиз базасини қолдирганини билдирди.
Изоҳ (0)