Россия президенти Владимир Путин мамлакатдаги ҳал этилмаган асосий муаммолардан бири кун кўриш минимумидан паст даромадга яшаётганлар сони кўплиги эканлигини маълум қилди. Бу ҳақда «РБК» хабар бермоқда.
Путинга кўра, ҳозирда Россияда 20 миллион қашшоқ бўлиб, яқинда бу рақам 15 миллион кишини ташкил этаётганди.
«Охирги йиллар иқтисодиётидаги инқирозли кўринишлар, нефть нархининг пасайиши, ташқи чекловлар ўзининг қора ишини қилди ва қашшоқликда яшаётган кишилар сони, афсуски, ортди. 20 миллион — бу ҳаддан зиёд кўп», — деди Россия президенти.
Россия ҳисоб палатаси раиси Татьяна Голикова олдинроқ мамлакатда жорий йил биринчи чорагида қашшоқлар сони 2 миллион кишига кўпайиб, 22 миллион кишига етганини билдирганди.
Меҳнат ва ижтимоий ҳимоя вазири Максим Топилиннинг айтишича, Россиядаги эҳтиёжманд оилаларнинг 60 фоизи болали оилалар ҳисобига тўғри келади.
Изоҳ (0)