Тошкент вилояти ички ишлар бошқармаси ходимлари томонидан пиротехника буюмларининг қонунга хилоф муомаласининг олдини олиш мақсадида бир қатор ишлар амалга ошириб келинмоқда, деб хабар беради вилоят ИИБ матбуот хизмати.
Жумладан, Янгийўл шаҳрида ўтказилган тадбирда 1987 йилда туғилган фуқаро Ф.Н пиротехника воситалари билан савдо қилаётганлиги аниқланиб, унинг ёнидан 900 минг сўмлик пиротехника маҳсулотлари олинди.
Шунингдек, 1983 йилда туғилган Г.С ҳам пиротехника воситаларини пуллаётган пайтда ички ишлар органларининг тезкор ходимлари томонидан фош этилиб, 7 миллион сўмлик пиротехника воситалари расмийлаштириб олинди.
Суриштирувлар натижасида ушбу фуқаролар пиротехника маҳсулотларини Зангиота тумани ҳудудидаги омборхонадан сотиб олганлиги аниқланди. Омборхона холислар иштирокида текширилганда, А.Бга тегишли контейнерда кўп миқдордаги пиротехника воситалари Янги йил байрами арафасида сотиш мақсадида сақлаб келинаётганлиги маълум бўлди.
Изоҳ (0)