Вазирлар Маҳкамаси Ўзбекистон амалий санъат ва ҳунармандчилик тарихи давлат музейини ташкил этиш тўғрисида қарор имзолади. У Тошкентдаги амалий санъат музейи негизида ташкил этилади, деб ёзади Norma.
2017—2019 йилларда Ўзбекистон амалий санъат ва ҳунармандчилик тарихи давлат музейи биносини реконструкция қилиш, янги кўргазма зали ва маъмурий бино қуриш, ободонлаштириш ва жиҳозлаш ишлари амалга оширилади.
Ушбу ишларга 2017—2018 йиллар давомида «Асака» акциядорлик тижорат банки ва Акциядорлик тижорат «Алоқабанк» 12 миллиард сўм миқдоридаги маблағлар билан тенг улушларда ҳомийлик қилади. Бузишга тушган бино ва иншоотлар учун фуқароларга компенсация тўловлари ҳам ушбу маблағлар ҳисобидан тўланади.
Изоҳ (0)