Ўзбекистон олий ва ўрта махсус таълим вазирлиги россиялик миллиардер Алишер Усмоновга мактуб йўллаб, унда хонанда Энрике Иглесиаснинг Тошкентга таклиф этилиши учун миннатдорлик билдирди. Бу ҳақда Халқаро пресс-клуб вакиллари маълум қилди.
«Ҳурматли Алишер Бурҳонович, Ўзбекистонда жаҳон эстрадасининг ёрқин овози — Энрике Иглесиаснинг концертини ташкил этганингиз учун сизга улкан миннатдорлик билдирамиз», — деб бошланади хат.
«Бизга беғараз асосда тақдим этилган чипталар давлат стипендиялари соҳибларига айланган иқтидорли талабалар ҳамда ота-онасиз талабалар орасида тарқатилди. Ўз иштироки билан улар янги таассурот ва илҳомга эга бўлади, бу эса маданий-маънавий ривожланиш учун муҳимдир», — таъкидланади олий таълим вазирлиги мурожаатида.
«Ёрдамингиз — мамлакатимизда хайрия ишини ривожлантиришга қўшилган бебаҳо ҳисса. Бу ота-онасиз талабаларга ғамхўрлигингиз ва эътиборингизни ҳис этишга ёрдам беради. Ота-она меҳрисиз қолган талабалар муаммоларига бефарқ муносабатда бўлмаганингиз учун самимий ташаккуримизни айтамиз».
Вазирлик мактубининг охирида ёшлар орасида соғлом турмуш тарзи ва бўш вақтни мазмунли ўтказишни тарғиб этиш бўйича ҳамкорликни давом эттиришга умид билдириб қолди.
Олдинроқ Энрике Иглесиаснинг ўзи Facebook’даги расмий саҳифаси орқали Тошкентдаги концерт учун чипталар сотилаётганини маълум қилган эди.
Изоҳ (0)