Ўзбекистон ҳукуматидаги энг ёш вазир ўринбосари — халқ таълими вазири ўринбосари Алишер Саъдуллаев 25 декабрь куни Facebook’даги саҳифасида муҳокамаларга сабаб бўлган пост қолдирди.
У бутун бошли бир куни Халқаро пресс-клубнинг навбатдаги анжумани ва Ёшлар Иттифоқининг тақдимот маросими сабаб йўққа чиққанидан норози эканлигини билдирган.
Кеча (24 декабрь), соат 18:00. Прокуратурадан қўнғироқ қилишди ва бу сафарги чиқишнинг нечоғлик муҳим эканлигини таъкидлашди. Душанба куни соат 9:30 дан кечикмай Халқаро пресс-клубга келишимни тайинлашди.Вазир ўринбосарининг бу пости 360 дан зиёд лайк (+реакция) босилган, 70 дан зиёд коммент қолдирилган.Хўп, эрта тонгдан кунимни ўзимча «режалаштирдим». Роса тайинлашгани Халқаро пресс-клуб роппа-роса икки ярим соат (!) кеч бошланди. Халқаро пресс-клубда эндигина ишга туширилган залга таклиф этишган экан, шу сабаб баъзи бир тўхталишлар бўлиши табиий.
Соат 12:00. Куннинг ярми ўтиб бўлди. Энди пресс-клубни якунлаш учун залда ўтиришим кераклигини сўрашди. Соат 16:20 гача пресс-клубда лом-мим демай ўтирдим. Шерзод ака (Қудратхўжаев) бор кучлари билан ҳаракат қилганликлари аниқ, аммо...
Айтганча, бугун (26 декабрь куни) Ўзбекистон Ёшлар Иттифоқи мукофотининг орзиқиб кутилган тақдирлаш куни эди ва у 16:00 да бошланиши керак эди. Кечикиб бўлса-да келдим.
Соат 19:00. Ҳалигача шу ердаман.
Энг қизиғи, Президентимиз «Бугун нима қилдим ва халқим учун нима наф келтирдим, деган саволни ҳар куни ўзингга бер», деганларини барчамиз биламиз ва эшитганмиз. Хўш, нима қилдим? Бир неча кун аввал тўрт соат тик туриб нима деган эдилар-у, мен нима қиляпман?
Шунақа гаплар, азизлар! Бугунги кундан қониқиш — 0 (ноль) фоиз.
Алишер Саъдуллаев, халқ таълими вазири ўринбосари
Изоҳ (0)