23 декабрь куни Тошкент ирригация ва қишлоқ хўжалигини механизациялаш муҳандислари институтида талаба ёшларнинг диний ва дунёвий билимларини янада ошириш мақсадида маърифий-тарбиявий тадбир бўлиб ўтди. Бу ҳақда Ўзбекистон мусулмонлари идораси матбуот хизмати хабар бермоқда.
Тадбирда Тошкент шаҳар бош имом-хатиби ўринбосари, «Ислом ота» жоме масжиди имом-хатиби Жасурбек Раупов иштирок этди.
Тадбир давомида ёшлар ўзида миллий қадриятлар ва ўзбекона одоб-ахлоқ, шарму ҳаё, миллий менталетитга хос бўлган фазилатларни шакллантириши лозимлиги таъкидланди.
«Жасурбек Раупов айниқса, аёл-қизларнинг кийинишида, жамоат жойларида ўзларини тутишида мусулмон кишининг энг муҳим сифатларидан бўлмиш ҳаё, иффат кўтарилиб кетаётганлигини тилга олиб, бу нафақат ўша қиз ёки аёлнинг балки, ўзгаларнинг ҳам гуноҳга ботишига сабаб бўлишини ҳадиси шарифлар билан таъсирчан тушунтириб берди», — дейилади хабарда.
Хабарда қайд этилишича, тадбирда талаба-ёшлар мавзу юзасидан ўзларини қизиқтирган барча саволларга жавоб олди.
Изоҳ (0)