24 декабрь куни Навоий вилоятининг Нурота ва Томди туманларида сониясига 18 метр эсувчи кучли шамол содир бўлди. Бу ҳақда Ўзбекистон Фавқулодда вазиятлар вазирлигининг Facebook’даги саҳифасида хабар берилди.
Кучли шамол маъмурий ва турар-жой биноларининг айрим қисмлари шикаст етказган. Шамол оқибатларини бартараф этиш мақсадида туман ҳокимлари бошчилигида тезкор штаблар ташкил этилди, улар таркибидан ФФБ, ИИБ, туман коммунал хизматлари ва бошқа идора вакиллари ўрин олган.
Кучли шамол оқибатларини бартараф этиш учун зарурий кучлар сафарбар этилди. Жабрланганлар ҳақида ҳозирча маълумот йўқ.
25 декабрь кунида ҳам Навоий вилоятида кучли шамол содир бўлиши кутилмоқда.
Изоҳ (0)