Мамлакатимизда амалга оширилаётган ислоҳотлар жараёнида Ўзбекистон Республикаси Президенти томонидан «Валюта сиёсатини либераллаштириш бўйича биринчи навбатдаги чора-тадбирлар тўғрисида»ги Фармонининг амалиётга тадбиқ этилиши, кўплаб халқаро молия институтларининг Ўзбекистонда бизнес юритишга бўлган ишончини ортишига олиб келди. Ўзбекистон Республикаси банк-молия тармоғини ривожлантиришда ва қўллаб-қувватлашда фаол иштирок этаётган нуфузли халқаро молия институтларидан бири Европа тикланиш ва тараққиёт банкидир.
2017 йил 21 декабрь Тошкент шаҳрида, Radisson Blu Hotel меҳмонхонасида чет эл капитали иштирокидаги акциядорлик тижорат банки — «Hamkorbank» ҳамда Европа тикланиш ва тараққиёт банки (ЕТTБ) ўртасида кичик бизнесни кредитлаш ва савдони молиялаштириш йўналишларида икки томонлама шартномаларни имзолаш маросими бўлиб ўтди.
Имзoлаш маросимида ЕТTБ вакиллари, «Hamkorbank» АTБ кенгаш раиси, бошқарув раиси ва аъзолари, шунингдек, оммавий ахборот воситалари иштирок этишди.
«Hamkorbank» АTБ ва ЕТTБ ўртасидаги ушбу келишув ўзаро ҳамкорликни янада янги босқичга кўтариш имконияти беради. Имзoлаш маросими доирасида 2 та йирик шартнома, яъни кичик бизнесни молиялаштириш мақсадларига умумий миқдори 20 миллион АҚШ долларига тенг бўлган ҳамда савдони молиялаштириш учун 10 миллион АҚШ доллари миқдоридаги келишувлар имзоланди. Савдони молиялаштириш дастури банкка замонавий молиялаш инструментларини қўллаган ҳолда мижозларнинг ташқи савдо амалиётларини молиялаштириш имкониятини беради ҳамда банк томонидан мижозларга тақдим этилаётган маҳсулотлар жозибадорлигини оширишига олиб келади.
«Hamkorbank» АTБнинг бутун республика бўйича 33 та филиал ва 158 та хизмат кўрсатиш шохобчаларининг мавжудлиги мамлакатимизнинг барча ҳудудларида, айниқса, қишлоқ ҳудудларида кичик ва микро бизнес субъектларини молиялаштиришда банк катта имкониятга эга эканлигини кўрсатади.
Ушбу имзоланган келишувлар мамлакатимизда иқтисодиётни ривожлантиришда кичик бизнес субъектларини молиявий қўллаб-қувватлаш орқали минглаб янги иш ўринларини яратиш, экспорт – импорт билан шуғулланувчи бизнес субъектларининг ташқи савдо алоқаларини янада такомиллаштиришга ўз ҳиссасини қўшади.
«Hamkorbank» АTБ ва ЕТTБ ўртасида ўзаро ҳамкорлик тарихи 2001 йилдан бошланган. Микро ва кичик корхоналарни молиялаштириш йўналишида жами 13 миллион АҚШ долларига тенг бўлган 4 та кредит келишуви, шунингдек, савдони молиялаштириш соҳасида 3 та келишув имзоланган. Микро ва кичик корхоналарни молиялаштириш йўналишида кредит линияларини ўзлаштириш давомида ЕТTБ томонидан банкга доимий техник кўмак кўрсатиш дастурлари ҳам амалга оширилган. Техник кўмак доирасида мижозларни кредитлаш жараёнлари, кредитга лаёқатлиги таҳлили модели ҳамда кредит мутахассисларини рағбатлантириш тизимлари ишлаб чиқилган.
Реклама ҳуқуқи асосида!
Изоҳ (0)