23 декабрь куни Жиззах шаҳрининг «Мустақиллик» майдонида Ўзбекистон Республикаси қуролли кучлари ташкил топганининг 26 йиллиги ва Ватан ҳимоячилари кунига бағишлаб «Миллий армиямиз – ёшларнинг мардлик, матонат ва жасорат мактабидир» шиори остида «Армия ва ёшлар» номли фестиваль ўтказилди. Бу ҳақда мудофаа вазирлиги матбуот хизмати хабар бермоқда.
Жиззах вилояти ҳокимлиги ва Марказий ҳарбий округ қўшинлари қўмондонлиги томонидан ташкил этилган Ўзбекистон қуролли кучлари салоҳияти намойишида вилоят аҳолиси билан бирга 10 мингга яқин ёшлар ҳам иштирок этди.
Фестивалда 800 нафарга яқин ҳарбий хизматчиларнинг ҳарбий оркестр садолари остида тантанали марш билан ўтди, шунингдек қўл жанги ва саф элементлари намойиш этилди.
Фестиваль иштирокчилари 50 дан зиёд ҳарбий-техника ва қурол-аслаҳа намуналари ҳамда ҳарбий таъминотга оид кўргазмалар билан танишди.
Тадбирда Жиззах вилояти ҳокими вазифасини бажарувчи Эргаш Солиев ва марказий ҳарбий округ қўшинлари қўмондони полковник Ойбек Саидов иштирок этди.
Изоҳ (0)