Тошкентнинг «Пахтакор» футбол клуби 30 январь куни Осиё Чемпионлар Лигасининг плей-офф ўйинида иштирок этади. Шота Арвеладзе мураббийлигидаги жамоа 1 та ўйиндан иборат саралашни Қатарда «Ал-Гарафа»га қарши ўтказади.
Янги йил арафасида грузиялик мутахассис «Пахтакор» футболчиларини йиғди ва тайёргарликнинг биринчи босқичини бошлади, деб ёзди клуб расмий сайти. Арвеладзенинг «Championat.asia» сайтига маълум қилишича, ярим ҳимоячи Шерзод Каримовга жавоб бериб юборилган ва у «Пахтакор» билан расман хайрлашган.
Каримов фаолиятининг кейинги қисмини қайси клубда давом эттириши маълум эмас. Олинган маълумотларга кўра, ижара асосида ўтган мавсумни «Локомотив» сафида ўтказган Жалолиддин Машарипов «Пахтакор» машғулотларига келиб қўшилган. Бунгача «Локомотив»нинг яна бир футболчиси Икром Алибоев ҳам «пахтакорчи»га айлангани борасида хабарлар пайдо бўлганди.«Локомотив» ярим ҳимоячиси Икром Алибоев келаси мавсумни «Пахтакор» сафида бошлайди
Қўшимчасига, Арвеладзенинг машғулотига «Насаф» ҳимоя чизиғи вакили Фаррух Сайфиев қўшилган. Ўтган мавсумнинг ярмида «Пахтакор» қаршиликлардан дарвозабон Элдор Суюнов ҳамда ҳимоячи Шерзод Аъзамовни 1 миллиард сўмга сотиб олганди. Қаршидаги 0:4 ҳисобидаги мағлубиятдан кейин «Насаф»нинг яна икки футболчиси «Пахтакор» мураббийининг эътиборига тушган. Иккинчи футболчининг ким экани яқин орада маълум бўлади.
Изоҳ (0)