Фарғонада 12 киши ёнғин чиқишидан ҳалок бўлди. Бу ҳақда Фарғона вилояти ИИБ ЁХБ бўлим бошлиғи ўринбосари Адолат Абдиевага таяниб, ЎзА хабар берди.
Унинг сўзларига қараганда, вилоятда 2017 йилнинг ўтган даврида 1 минг 126 ёнғин ҳодисаси қайд этилган. Ўтган 2016 йилнинг шу даврига қараганда ёнғинлар 112 тага камайган.
Ёнғинлар оқибатида куйиш тан жароҳати олиш ҳолатлари 25 тани ташкил этиб, аввалги йилдан 19 тага камайган бўлса-да, 12 кишининг ҳаётдан бевақт кўз юмишига сабаб бўлди.
Таҳлиллар ёнғинлар асосан тутун йўлларининг носозлиги, ёш болаларнинг олов билан ўйнашлари, эҳтиётсизлик, ёнғин хавфсизлиги қоидаларига бепарволик оқибатида содир бўлганини кўрсатмоқда.
Ўзбекистон тумани, Ҳотамтой қишлоғида ҳаракатланиб кетаётган ВАЗ-2101 «Жигули» автомашинасида электр симининг қисқа туташуви оқибатида автомобилнинг мотор ва қисман салон қисми ёниб кетган.
Изоҳ (0)