Қуролли кучларнинг ривожланиши КХДРга АҚШга бевосита ядровий хавф сола оладиган давлатга айланиш имконини берди. Бу ҳақда мамлакат етакчиси Ким Чен Ин Корея Меҳнат партияси ячейкалари раислари йиғилишида айтиб ўтди, деб ёзади «ТАСС».
«Республикамизнинг ядровий қуролли кучлари сўнгги вақтларда жадал ривожланаётгани жаҳон сиёсати ва стратегик муҳитга катта таъсир кўрсатмоқда. Республикамиз АҚШга бевосита ядровий хавф сола оладиган давлатга айланди, ва дунёдаги ҳеч ким буни рад қила олмайди», — деди у.
Ким Чен Ин, шунингдек, КХДР халқаро санкцияларга қарамай шундай прогрессга эриша олганини қайд этди.
Изоҳ (0)