Россия Федерацияси Коммунистик партияси етакчиси Геннадий Зюганов «Ленин номли совхоз» ЁАЖ директори Павел Грудининни президентликка номзод сифатида илгари суришни таклиф қилди. Бу ҳақда «Эхо Москви» эфирида Давлат думаси депутати Валерий Рашкин маълум қилди.
«Бу муҳокамаларнинг биринчи босқичи, Зюганов Грудининнинг номзодини илгари сурди. Жума куни муҳокама Павел Николаевичнинг ўзи билан давом эттирилади, сўнг котиблар йиғилиши, Марказий қўмита пленуми бўлади ва шанба куни қурултойга чиқамиз», — дея аниқлик киритди у.
Рашкиннинг таъкидлашича, «партия раиси сайлов кампаниясида албатта қатнашади». «Аммо ким сифатида — бошқа масала шунда», — деди депутат.
Эслатиб ўтамиз, РФКП Россияда 2018 йили бўлиб ўтадиган президентлик сайловларида Геннадий Зюганов номзодини илгари суришга ноябрда қарор қилган эди.
Изоҳ (0)