Дунёдаги энг узун ойнаванд кўприк Хитой шарқидаги Хэбэй провинциясида 24 декабрь куни очилади, деб ёзади «ТАСС».
Пиёдалар учун мўлжалланган шиша кўприкнинг узунлиги 488 метр, кенглиги икки метрни ташкил этади. У Пиншань уездидаги Хунъягу қишлоғида иккита тоғ чўққисини туташтиради. Кўприк водий узра 218 метр баландликда жойлашган. У қалинлиги қарийб 4 см бўлган 1077 та шиша панелдан қурилган бўлиб, уларнинг умумий оғирлиги 70 тоннага етади.
Конструкция унга тахминан 2 минг кишининг оғирлигини кўтариш имконини беради, аммо оператор компания вакиллари айтишича, бир вақтнинг ўзида кўприкка фақат 500 кишигина қўйилади.
Изоҳ (0)