Samsung Galaxy А8 ва А8 Plus’ни янги «жонли» видеода кўрсатишди (видео)

Яқинда интернетда Galaxy А8 ва А8 Plus акс этган янги видеоролик пайдо бўлди, деб ёзади Hi-Tech Mail.Ru. У бармоқ изи датчиги смартфоннинг орқа панелида — камера модулидан сал пастроқда жойлашишини тасдиқлади.

Смартфоннинг орқа панелида асосий камеранинг 16 мегапикселли битталик сенсори, олд панелда эса 8 мегапикселли сенсор жойлашган. Олд камера, шунингдек, юзни таниб олиш функциясини ҳам бажаради.

Видео Galaxy А8 ромсиз Full HD Super AMOLED дисплей билан жиҳозланишини ҳам кўрсатди, у 18:9 нисбатда ва 5,5 дюймли бўлади (А8 Plus’да 6 дюйм). Смартфоннинг ён қисмларида стереодинамиклар жойлашган, овозли ёрдамчини чақирувчи тугмалар эса йўқ.

Видео муаллифи маълум қилишича, қурилма Exynos 7885 чипи, 6 Гб ва 4 Гб тезкор ҳамда 64 Гб / 32 Гб доимий хотира, 3000 мА/соат сиғимли батарея (Galaxy А8 Plus’да — 3500 мА/соат) билан жиҳозланган.

Қурилмалар чиқариладиган сана номаълум, аммо улар 2018 йил январида тақдим этилиши тахмин қилинмоқда.