15 декабрь куни Microsoft компанияси икки экранли номаълум гаджетнинг буклама механизми қандай ишлаши схемасини кўрсатиб берувчи патентни олди, деб ёзади Hi-Tech Mail.Ru.
Эҳтимол, бу узоқ кутилган Surface Phone смартфони ёки Andromeda кодли номига эга махфий планшет-электрон китоб бўлиши мумкин. Австриялик дизайнер Дэвид Брейер янги гаджет ҳақида тарқалган гап-сўзлар асосида концептларни яратди.
Гаджет замонавий ноутбук тамойили бўйича ишлайди. Фақат пастки қисмида клавиатура ўрнига, яна битта дисплей бўлади. Очиқ ҳолатида иккита экран бирлашиб, битта катта экран эффектини ҳосил қилади. Шунингдек, гаджет томонларини бошқа тарафга буриб, уни столга қўйиш ҳам мумкин.
Қурилмани ҳар қандай томонга буриш мумкин, масалан, букланган ҳолатда дисплейлар ташқари томонда қолиши мумкин, шунда у оддий смартфон кўринишини олади.
Изоҳ (0)