19 декабрнинг эътиборга молик янгиликлари — «Дарё»нинг кечки дайжестида.
1. Шавкат Мирзиёев Вашингтондаги поезд ҳалокати муносабати билан Дональд Трампга ҳамдардлик билдирди. Йўловчи поезди кўприкдан қулаши оқибатида 6 киши ҳалок бўлди.
2. Қирғизистон раҳбари топшириғига биноан Косонсой сув омбори яқинидаги Ёшлик маҳалласи электр энергияси билан таъминланди. Бу ўзбек-қирғиз муносабатларига доир куннинг ягона эътиборга молик хабар эмас — Тошкентдан Иссиқкўл соҳилига йўловчи поезд қатнови йўлга қўйилади.
3. Ўзбекистонда озиқ-овқат маҳсулотлари олиб кириш учун имтиёз ва преференциялар бекор қилинади. Имтиёзлар индивидуал эди. Агар бу фармон қабул қилинса, озиқ-овқат маҳсулотлари нархлари пасаймаса ҳам, ўсишдан тўхташи керак.
4. Афғонистоннинг Ўзбекистон билан чегарадош ҳудудида 1000 дан зиёд қадимий аҳоли манзилгоҳлари топилди. Археологлар ҳудудни ўрганишда айғоқчи сунъий йўлдош ҳамда ҳарбий дронлардан фойдаланган.
5. Энрике Иглесиас «Истиқлол» санъат саройида концерт беради. Концерт Янги йил байрами арафасида бўлади. Бунгача унинг отаси Тошкентда концерт берган.
Изоҳ (0)