Бухоро вилояти Ғиждувон тумани Жовгари қишлоғида яшовчи Нурали Тилавов туман ички ишлар бошқармасига ариза билан мурожаат қилди, деб хабар беради вилоят ИИБ матбуот хизмати.
Фуқаро ўз мурожаатида 25 ноябрь кунига ўтар кечаси соат 01:00 ларда номаълум шахслар унинг Кўкча МФЙда жойлашган қаровсиз қолдирилган қўрасидан жами баҳоси 4 500 000 сўмлик 15 бош қўйини яширин равишда ўғирлаб кетганини маълум қилган.
Олиб борилган тезкор суриштирув ишлари давомида ушбу жиноятни Навоий вилояти, Кармана тумани, Дўстлик МФЙда яшовчи 1990 йилда туғилган Зокир Наврўзов ва унинг жиноий шериклари 1968 йилда туғилган Муҳаббат Наврўзова, 1984 йилда туғилган Завқиддин Нуров, 1987 йилда туғилган Гулшан Ҳамроева ҳамда 1980 йилда туғилган Жаҳонгир Тўхсоновлар томонидан содир этилгани аниқланган.
Ушбу ҳолат юзасидан З.Наврўзов, М.Наврўзова, Ж.Тўхсонов, З.Нуров ва Г.Ҳамроеваларга нисбатан Ўзбекистон Республикаси Жиноят Кодексининг 169-моддаси (Ўғрилик) 2-қисми билан жиноят иши қўзғатилиб, тергов ҳаракатлари олиб борилмоқда.
Изоҳ (0)