Криптовалюта ҳақидаги энг таниқли профиль сайтларидан бири — Bitcoin.com асосчиларидан бири ва техник директори Эмиль Ольденбург яқинда ўзининг биткоиндаги барча жамғармаларини сотиб юборганини маълум қилди, деб ёзади TJournal. Унинг сўзларига кўра, биткоин «қанчалик яхши бўлмасин, шунчалик бефойда»дир.
Швециялик тадбиркор (уч йилдан буён Токиода яшайди) унда қанча биткоин бўлгани, уларни қанчага сотганига аниқлик киритмади. Шу билан бирга, у биткоинларни танқид қилиб, унга киритиладиган сармояларни «киритиш мумкин бўлган энг рискли инвестициялар» деб атади.
Ольденбургнинг фикрича, биткоиннинг асосий муаммолари — операциялардаги катта комиссиялар ва кечикишлар. «Одамлар биткоин қандай ишлашини тушунганидан кейин уни сотишни бошлайди», — дея ишонч билдирди у.
Ольденбург «рискли криптовалютадан виз кечиш вақти келгани»ни ва криптовалютанинг 2017 йил августида пайдо бўлган Bitcoin Cash версиясига ўтганини айтди. У Bitcoin Cash’ни биткоиннинг акси ва «келажак» деб атади.
Изоҳ (0)