АҚШнинг янги миллий хавфсизлик стратегияси бутун дунёга хавф солади. Бу ҳақда Россия Федерация кенгаши халқаро ишлар қўмитаси раҳбари Константин Косачёв маълум қилди, дея хабар беради «Газета.ru».
Сенатор Россиянинг Евросиёда беқарорлик яратишда айбланишини кутилган ҳолатлиги, зеро АҚШ учун барқарорлик «назорат ва диктатура» эканлигини билдирди.
«Буни дастак қилиб, НАТО шарқий қанотини кучайтиришга ваъда қилиниши АҚШ Шарқий Европада салмоқли қуролли кучлар жойлаштиришга чекловни бузишга тайёргарлик кўраётганига шубҳа қолдирмайди», — деди Косачёв.
Эслатиб ўтамиз, АҚШ томонидан эълон қилинган янги миллий хавфсизлик стратегиясида Россия ва Хитой глобал таҳдид сифатида белгиланган.
Изоҳ (0)