Оқ уй сайтида президент Дональд Трамп имзолаган АҚШ миллий хавфсизлик стратегиясининг янгиланган таҳрири эълон қилинди. Бу ҳақда Meduza хабар бермоқда.
68 саҳифали ҳужжатда мамлакат олдида турган глобал таҳдидлар белгиланган. Ташқи сиёсий саҳнада улар қаторига Россия ва Хитой киритилган.
«Хитой ва Россия Америка хавфсизлиги ва фаровонлигини қўпоришга интилиб, АҚШ ҳукмронлиги, нуфузи ва манфаатларига хавф солмоқда. Улар жамиятни ўз измига солиш ва таъсирини кенгайтириш учун ҳарбий қудратини ошириш ва ахборотни назорат қилишга уринмоқда», — дейилади ҳужжатда.
Шунингдек, стратегияда Шимолий Корея ва Эрон, шунингдек, ИШИД ва «Ал-Қоида» АҚШ ҳамда унинг иттифоқдошларига таҳдид сифатида кўрсатилган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)