Араб мамлакатлари АҚШ ветоси туфайли Хавфсизлик кенгаши томонидан рад этилган Қуддус бўйича резолюцияни қабул қилиш учун БМТ Бош Ассамблеясининг шошилинч махсус сессиясини ўтказишни сўради, деб ёзади «ТАСС».
Бу ҳақда Фаластин давлатининг БМТдаги доимий кузатувчиси Риёд Мансур журналистларга маълум қилди. У АҚШ томонидан Қуддуснинг Исроил пойтахти деб тан олинишига жавоб бўлган ушбу ҳужжат кенг қўллаб-қувватланишига умид билдирди.
«Бу Бош Ассамблея ветодан хавфсирамасдан, халқаро ҳамжамият Американинг бир томонлама позициясини, шунингдек, халқаро ҳуқуқ ҳамда Хавфсизлик кенгаши ва Бош Ассамблея резолюциялари бузилишини қабул қилмаслигини кўрсатиб беришини билдиради», — деди Мансур.
Бош Ассамблея 72-сессияси раиси Мирослав Лайчак шошилинч сессия чақириш сўровини қондиришини айтди. Унинг сўзларига кўра, Бош Ассамблея учрашувини ўтказиш санаси кейинроқ маълум бўлади.
Изоҳ (0)