Президент Шавкат Мирзиёевнинг «Ички ишлар органларида кадрлар билан ишлаш ва уларнинг хизматини ташкил этиш тартибини тубдан такомиллаштириш чора-тадбирлари тўғрисида»ги қарорининг мазмун моҳиятини тарғиб қилиш мақсадида Сурхондарё вилояти Термиз шаҳридаги «Ёшлар маркази»да тадбир бўлиб ўтди. Бу ҳақда вилоят ИИБ матбуот хизмати хабар бермоқда.
Тадбирда Ўзбекистон ИИВ, Сурхондарё вилояти ИИБ раҳбарияти, ички ишлар органлари қуйи тизим ходимлари ҳамда ОАВ вакиллари иштирок этди.
Тадбирда Ўзбекистон ички ишлар вазирининг ўринбосари, полковник А.Мирзаев сўзга чиқди ва бир қатор ички ишлар органларининг сафдор ва сержантлар таркибида хизмат олиб бораётган ёш ходимларнинг ота-оналарига ташаккурномалар топширди.
Тадбирдан сўнг вилоят ИИБ ходимлари Термиз шаҳри ва Денов туманларида кам таъминланган оилаларга ташриф буюрди ва хонадон эгаларига Ўзбекистон Ички ишлар вазирлигининг совғалари топширилди.
Изоҳ (0)