15 декабрь куни Тошкентда Осиё тараққиёт банки, Жаҳон банкининг энергетика соҳаси бўйича мутахассислари ва «Ўзбекэнерго» акциядорлик жамияти ташаббуси билан «Ўзбекистонда энергетика тизимини ислоҳ қилиш ва халқаро молиялаштириш стандартларинини ўрганиб чиқиб, ҳаётга татбиқ этиш» мавзусида халқаро анжуман ўтказилди. Бу ҳақда «Ўзбекэнерго» АЖ матбуот хизмати хабар бермоқда.
Анжуман давомида Ўзбекистон Республикаси Президенти ташаббуси билан энергетика тизимида ўтказилаётган ислоҳатлар Осиё тараққиёт банкининг энергетика бўйича мутахассиси С.Ким томонидан юқори баҳоланди ва «Энергия самарадорлигини ошириш ва ҳамкорликни кучайтириш» мавзусидаги маърузаси тингланди.
Миллий валюта девальвацияси даврида энерготизимнинг молиявий ҳолатини яхшилаш мақсадида «Ўзбекэнерго» АЖ томонидан ОTБ (Осиё тарққиёт банки) билан ҳамкорликда молиявий барқарорликни таъминловчи бир нечта чора-тадбирлар белгиланди.
Бундан ташқари ОTБ томонидан электр қиймати асосидаги самарали тарифларни баҳолаш усулини ишлаб чиқиш учун грант асосида хорижий компанияни белгилаш режалаштирилмоқда.
Шу қаторда тадбирда чет эл давлатлари, хусусан, Европа ва қўшни Марказий Осиё давлатлари энергетика бозорида иш олиб бориш тажрибасига оид маълумотлари тингланиб, ОTБ томонидан «Ўзбекэнерго» АЖга техник кўмак кўрсатиш ҳамда истиқболли лойиҳаларни амалга ошириш тўғрисида келишиб олинди.
Изоҳ (0)