14 декабрь куни Шавкат Мирзиёев Ўзбекистон Президенти сифатида қасамёд қилганига бир йил бўлди. Бу ҳақда Президентнинг Facebook’даги расмий саҳифасида маълум қилинди. Постга видео ҳам илова қилинди.
Эслатиб ўтамиз, 2016 йил 14 декабрь куни бўлиб ўтган Ўзбекистон Олий Мажлиси палаталарининг қўшма мажлисида Марказий сайлов комиссияси раиси Ўзбекистоннинг сайланган Президенти Шавкат Мирзиёевга Президент гувоҳномаси ва Марказий сайлов комиссиясининг шаҳодатномасини топширган эди.
Шундан сўнг Шавкат Мирзиёев Ўзбекистон Конституцияси ва Қуръони Каримга қўл қўйган ҳолда қасамёд қилди. Қасамёддан сўнг, Ўзбекистон Президенти Шавкат Мирзиёев нутқ сўзлади.
2016 йил 9 декабрь куни Марказий сайлов комиссияси 4 декабрь кунги Ўзбекистон Президенти сайловининг якуний натижаларини расмий тарзда эълон қилган эди. Унга кўра, ЎзЛиДеПдан номзоди кўрсатилган Шавкат Мирзиёев сайловчиларнинг 88,61 фоиз овозини қўлга киритиб, сайловда ғолиб чиқди.
Изоҳ (0)