13 декабрь, чоршанба куни Исроил армияси яҳудийлар давлати ҳудудидаги ракета орқали ўққа тутилишига жавобан Ғазо секторининг жанубий қисмида жойлашган ХАМAС ҳарбий лагерига зарба берди. Бу ҳақда «ТАСС» хабар бермоқда.
«Бугун эрталаб Ғазо секторидан Исроил томонга учирилган ракетага жавобан Исроил ҳарбий-ҳаво кучлари Ғазо секторининг жанубий қисмидаги ХАМAС ҳарбий лагерига зарба берди», — дейилади хабарда.
Аввалроқ, ҳарбийлар Ғазо секторидан яҳудийлар давлатининг жанубий туманлари бўйлаб ракета учирилганини қайд этган эди.
Хабарда қайд этилишича, ҳаво тревогаси ҳақидаги сигнал Хоф-Ашкелон ҳудудий кенгашида ишлаб кетган.
Изоҳ (0)