Россияликларнинг ярмидан кўпи 2018 йил 18 мартга белгиланган президентлик сайловида иштирок этишни режалаштирган. Бу ҳақда «Интерфакс» хабар бермоқда.
«Левада-центр» томонидан ўтказилган сўровда респондентларнинг 28 фоизи «аниқ овоз бериши», 30 фоизи эса «бунинг эҳтимоли юқори» эканлигини маълум қилди.
Мамлакатнинг амалдаги президенти Владимир Путин учун жами респондентларнинг 61, сайловда иштирок этишга тайёрлигини билдирганларнинг эса 75 фоизи овоз бериш ниятида. Ундан кейинги ўринни ЛДПР етакчиси Владимир Жириновский эгаллади ( 8 ва 10 фоиз).
Учинчи ва тўртинчи ўринларда коммунистлар етакчиси Геннадий Зюганов (6 ва 7 фоиз) ва «Справедливая Россия» етакчиси Сергей Миронов (2 фоиздан) қайд этилди.
Мазкур сўровда «Яблоко» раиси Григорий Явлинский, телебошловчилар Ксения Собчак ва Екатерина Гордон 1 фоиздан, бизнес-омбудсман Борис Титов эса бунга ҳам етмаган овоз тўплади.
Изоҳ (0)