Қирғизистонда халқаро террорчилик ташкилотлари жангариларининг яширинча киришга уринишларини аниқлаш ва олдини олиш бўйича олиб борилаётган аксилтеррорчилик фаолияти доирасида халқаро террорчилик ташкилоти аъзоси қўлга олинди, деб ёзади «24.kg» Қирғизистон миллий хавфсизлик давлат қўмитасига таяниб.
Унинг маълумотларига кўра, 1989 йилда туғилган Қирғизистон фуқароси Н.Х. 6 декабрь куни қўлга олинган.
У 2016 йилнинг ноябридан 2017 йилнинг сентябригача халқаро террорчилик ташкилоти сафида бўлиб, қўпорувчилик-террорчилик тайёргарлигидан ўтган ва Сурия ҳукумат кучларига қарши жанговар ҳаракатларда фаол қатнашган.
Халқаро террорчилик ташкилоти бошлиқлари буйруғи билан у яширинча террорчилик ташкилотини тузиш ва Қирғизистондан Сурияга жангариларни юбориш каналларини яратиш мақсади билан келган.
Айни пайтда миллий хавфсизлик давлат қўмитаси тергов органлари томонидан жиноят иши қўзғатилди. Террорчи тергов изоляторига жойлаштирилди.
Изоҳ (0)